顧客：喂，我想叫‥‥‥
接線生：先生，請你比你既智能咭號碼。
顧客：呀，請等等，12345678。
接線生：陳先生你好，你係住係元州街１號２樓，你屋企電話係 53541177，你公司電話係 70861366，你手提電話係93945354。請問你依家用緊邊個電話打呢？
顧客：屋企，點解你知道我所有電話號碼？
接線生：陳先生，因為我地接通左智能系統.
顧客：要一個海鮮薄餅‥‥
接線生：陳先生，海鮮薄餅唔啱你。
顧客：點解？
接線生：根據你嘅醫療記錄，你有血壓高兼膽固醇偏高。
顧客：吓？‥‥咁你有乜好介紹。
接線生：你可以試試我地既低脂健康薄餅。
顧客：你點知我鍾意食呢種？
接線生：哦，你喺上星期一喺中央圖書館借過本低脂健康食譜。
顧客：哎呀，好啦，我要個特大家庭裝薄餅，幾多錢？
接線生：唔，加多個都夠你一家十口食，仲好啦，盛惠 280 蚊啦。
顧客：可唔可以用信用卡？
接線生：陳先生，唔好意思，請你用現金找數，因為你既信用卡已經過晒額，你而家仲欠緊銀行 $3,344.44 卡數未找。仲有，提提你，你今期仲未供樓喎。
顧客:哦，咁我去附近提款機提定錢先.
接線生:陳先生，根據你既記錄，你今日提款機提款限額已經過左額。
顧客:唔好懶叻，送薄餅先啦，我有錢係度。幾時送到呀！
接線生:大約45分鐘，如果唔等得，可以你自己開車嚟。
顧客:乜話！你點知我有車？
接線生：根據系統記錄，你有一架綿羊仔，號碼係 PK1366。
顧客:＠＃＆＊＊＊＃＃％？＊＆＠％＄
接線生：陳先生，請你小心你既說話。你係1997年7月14日曾經用粗口鬧警察，判左有罪。
顧客：‥‥‥
接線生：請問仲要啲乜呢？
顧客：無喇，呀，係唔係有三罐可樂送？
接線生:係，不過系統記錄你有糖尿病與愛滋‥‥‥‥‥
No comments:
Post a Comment